背幕 video wall 亮起，「GDJYB」幾個英文字母赫然出現，西九自由空間大盒場內響起歡呼聲，成軍超過十年的本地獨立樂隊「雞蛋蒸肉餅」登場。經歷有成員變動、移居台灣後，久未在港演出的 GDJYB 這晚限定重組，與香港的樂迷重聚。
除了現任成員主音 Soft、結他手 Soni 和低音結他手 Wing，連同三年前離團的鼓手 Hei Hei，雞餅以四人陣容「合體」，甫開場 Soft 抬頭慢慢走到咪架前，喊出一聲「Hello, we are GDJYB from, HONG KONG!」之後在〈Backspace〉一段迷離的前奏過後，她再喊，「好耐無見，多謝你哋來！」
患腸胃炎的結他手 Soni 本由工作人員攙扶上台，坐在櫈上調音，但表演開始仍堅持起身表演，「我本身諗住坐喺度彈，但唔得，見到你哋我一定要企起身。」玩完兩首〈Ideo War〉、〈Wake me up〉後，Soft 講笑，三年半無見過香港樂迷，「（歡呼聲）好勁，我覺得自己好受歡迎，正。」台下觀眾大叫「好掛住你哋！」「多啲返來！」
之後 Soft 介紹會玩「個名好長」的歌，即 2021 年 7 月 21 日以 GDJYB 名義發表的最後一首作品〈而你我都知道一切回不去了〉。「有啲嘢發生咗就發生咗，都無謂再講。有啲嘢擺喺心裡面，無論有幾婉惜都好，在心中。歌名叫，而你我都知道 …」台下歌迷接「一切回不去了」。
都不一樣了／時間是不能停住的
癒合的傷口／殘破的卻是你和我
硝煙平熄／不會忘記
黑色會變成鬼／一直追著你
——〈而你我都知道一切回不去了〉
完場前最後一首，是樂隊其中一首較為大眾熟悉的〈榴連乜乜乜〉。歌曲發表自傘運後一年，取材自一名反對佔中市民的奇特發言，同時諷刺對時局不滿，更成為當時港台節目《我係乜乜乜》主題曲。Soft 在台上調皮笑一笑說，雖然有人說這首歌已聽到悶，「其實我哋自己都玩到有啲悶，不過，點解要玩呢？就係因為呢，我哋唔知咩時候無得再玩㗎喇嘛。趁而家仲玩到，你哋又可以一齊唱。」
在一片「乜乜乜」的大合唱中，當晚經重編的版本完結在最後一句，「究竟我哋可以點樣點樣，我哋要點樣先得」。
〈榴槤乜乜乜〉原曲中還有兩段旁白，其中一段是這樣的：
香港／曾經係一個美好嘅地方
我哋努力維護／但敵不過豺狼與虎
佢哋一口一口咁蠶食／一次又一次嘅壓抑
無法逃避／我們無法逃避
攝／蘇哈妮
