歌手何韻詩日前宣布今日（30 日）將舉行網上直播音樂會，而今午再揭曉音樂會選址於早前已結業、位於太平山街的見山書店閣樓舉行。
音樂會一如上月的迷你音樂會，演出者只有何韻詩及結他手 Mike Orange 兩人，五時許音樂會開始，演唱 I’m Here 一曲後，何韻詩發言表示，「今日嚟到呢個香港其中一個好 magical 的地方，magical 係因為人。」她稱，上月完成音樂會後，跟 Mike Orange 都覺得欲罷不能，就自製 encore。「又唔想又係同一地方，想轉下環境，今次就走出嚟個世界，唔好匿埋，就嚟到見山。」然後唱起〈極夜後〉。
音樂會於何韻詩的 YouTube 頻道直播，一直有數千人收看。她亦把直播片段，投影於見山書店對出的牆身。音樂會開始後不久，書店附近開始有人聚集，包括坐在空地的何韻詩父母，及歌手黃耀明。近百人在街頭隔著一層玻璃支持，何韻詩歌聲亦清晰可聽見。
音樂會進行約一小時後，太平山街有警員到場，何韻詩及 Mike Orange 一度停下演出，在窗前望向街外，了解情況，其後決定繼續演唱，何韻詩唱到《親愛的黑色》哽咽落淚，然後跟網民分享，說決定做這個音樂會過程中，很多人都有很多恐懼、擔憂，「係好可以諒解的，當一個環境有好多不確定，大家好容易被周邊的人和事影響」，當時店外聚集愈來愈多警員，並拉起封鎖線，避免市民聚集，何韻詩暫停了演出，並說演唱時不免有所感受，受到影響，「睇緊直播嘅朋友，大家耐心等候一吓，因為依家有啲狀況，處理緊，出面有啲朋友嚟探我哋呀。」
她又解釋自己落淚的一刻，「音樂真係好勁…大家成日好鍾意去諗…藝術有咩用，音樂有咩用…就係咁囉。又好鬼馬，唔到某些時候唔會發現。」
據何韻詩在直播片段中跟現場工作人員的對答，警員其後進入店內，抄下裡面所有人的身份證資料，一直在閣樓等待的何韻詩安慰工作人員：「無嘢嘅，我哋唱歌之嘛，係咪唱歌都唔畀呀～？」由於鏡頭一直拍著閣樓的情況，觀眾從中也感受到現場氣氛的變化。等待期間，何韻詩偶爾會向窗外的鏡頭揮手，狀甚輕鬆。
後來有警員登上閣樓，直播片段轉為靜音，鏡頭則改對着海報，警員離開閣樓後，一直在場拍照的歌手許廷鏗向鏡頭揮手。擾攘十多分鐘後，音樂會繼續，何韻詩介紹新晉唱作人 Gwenji 出場一同演唱。
到尾聲，外面已入黑，何韻詩鳴謝時說︰「尋日有個高人講，其實阿菇（何之別名）好耐冇見過光，原來見光好緊要，我哋喺見山度見光﹗」又感謝 Gwenji 及許廷鏗︰「多謝鏡頭背後嘅許氏，黐線㗎呢條友，唔畀佢嚟都要嚟﹗」然後笑著改口，「唔係，應該咁講，係我迫佢，佢唔想嚟㗎﹗」她又感謝自己及這個社會環境，「鍛練咗一個新嘅人出嚟。我係真心多謝，唔係寸，我真係覺得冇咁樣，就唔會可以咁樣囉﹗」
何韻詩又感激前見山書店店主 Sharon 提供場地 ︰「佢嘅目的好pure，就係覺得我要做囉，又冇傷天害理，係好事嚟㗎嘛，佢想做啲好事囉﹗雖然而家做好事都好似變咗好唔啱咁，但係我哋自己知就得，唔駛其他人認同… 所以多謝Sharon，佢令到呢個地方可以 magical。」
近八時半，店外的警員和封鎖線仍在，何韻詩推門而出，離開時現場傳來歡呼聲，她向眾人揮手說 bye bye，又著大家離去。
